Suno....

Kuch baki sa hai mere dil me. 

Unkahi si kahaaniyaan. 

Muskurati hui khamoshiyaan

Or gungunati hui tanhaiyan. 

Magar tum in sab se pare ho. 

Kyuki tum zindagi se bhare ho. 

Sari duniya ek dar ke saye me ji rahi hai. 

Saansein bhi alsayi si lag rhi hai. 

Me ye nahi keh rahi k me door ja rhi hoon. 

Na hi me tumhe dara rahi hoon. 

Bas ek darkhwast kar rahi hoon. 

Apne man me jo chal rha hai wo baatein kisi apne se baant rhi hoon. 

Or ye sirf abhi kuch dino ke liye nahi zindagi ke bad bikhar kar gum ho jane wali yaadon ko sametne ki koshish kar rahi hoon. 

Suno,  

Agar me na rahoon,  ya meri yaadein 

To itna karna 

Meri Maa ka dhyan rakhna. 

Mere dosto ka khayal rakhna

Unhe pareshan to karna 

Par unki khushi ka dhyan rakhna

Mere masoom se bandar bhai ko

Kabhi meri kami mat mehsoos hone dena. 

Meri maa ko meri kami mat mehsoos hone dena. 

Unhe keh dena k me door jaroor hoon par door nahi hoon. 

Aapse pyaar to aaj bhi sbse jyada karti hoon bas btati nahi hoon. 

Or suno... 

Jab tum thand me chai pine jao. 

To mere hisse ki wo chocolate ice cream pas me khade us bache ko de dena. 

Shayad uski aankhon me tum mujhe dekh pao. 

Ye jaruri to nahi k mujhe har jagah pao. 

Par... 

Ye bhi mumkin nahi k yun hi bhool jao. 

To sun liya karna... 

Sun liya karna apno ki baat, unpe gussa mat karna.

Kisi or ke liye naa sahi mere liye hi sahi, tum muskurate rehna. 

Jab mujhe naa pao apni khushiyon me muskurane ke liye. 

Mere hisse ka bhi tum muskura liya karna. 

Apni khushiyaan hamesha baat'te rehna. 

Or haan... 

Kabhi kabhi mujhe yaad bhi kar liya karna. 

Shayad kisi khwab me kisi anjaan ki tarah mujhse mil jao to... 

Mujhse baat kar lena. 

Kyuki jaroorat mujhe mere apno ki tab bhi rahegi. Jab me nahi rahoongi. 

Or..  Ye sirf ek poem hai jyada senti mat hona. 

Love you too! 

❣️🤗😘