Ab Sari Zindagi Tere Sath Hai Chalna.

Dil ki raho me mere sath chalna.

Mujhe bhi teri chahato me hai dhalna.

Ek nasha ek khumari si chha rahi hai.

Ab to naa chahte hue bhi jaan jaa rhi hai.

Apne dil ki dhadkan tujhe banaya hai.

Zindagi bhar tera saya ban tere sath chalungi.

Sare gam teri zindagi se chura loon.

Teri har ek mushkil ki hissedar jo hoon.

Har baat samajhti hoon teri aankho se hi.

Tere dil in dhadkano ki raazdar jo hoon.

Teri har shikayat mujhse hokar guzar gayi.

Kyuki teri har baat ki razdar ye dosti rahi.

Aaj apne dil me basa ke mujhe,

Tum humdum se hamsafar ban gaye.

In rasto par ab tak me sath chalti rahi,

Us beparwah se raste ko manzil mil gayi.

Sat fero ke sato vachan,

Ab meri har ek saans pe tera naam likha hai.

Mera rishta tujhse juda hai.

Un wado un sari kasmo ki laj rakhungi.

Tu kahe to zindagi bhar teri raah takungi.

Is bechaini bhari raat se pucho,

Meri chahato ki kahaniyaan.

Tere sath guzara har ek lamha.

Teri saari nishaniyaan.

Kabhi socha nahi tha, Is kadar tum zaroori ho jaoge.

Ab to zindagi ke har mod pe mujhe apne sath paoge.

Raton ki tanhaiyaan bhi ab tanha nahi rahengi.

Tere sath koi hoga, jiski dhadkanein,

Ek bar fir se teri sari bato ki razdar banengi.

Haan ab hamara rishta kuch alag hoga.

Ye kuch pal ka nahi, janmo ka bandhan hoga.

Aaj meri duaein kabool ho gayi.

Meri zindagi tere naal jud gayi.

Dil ko ek karaar mila, sukoon mila.

Is benaam, rishte ko ek khubsurat sa paigam mila.

Tere pyaar ne meri kismat sanwar di.

Is ek pal ke intezar me mene..

Jane kitni ratein guzar di.

Ab har ek pal har ek saans tere naam hai meri.

Kahani jo pyar ki hai, ab hui hai puri.

Yun hum ek ho jayenge,

Kabhi socha hi nahi tha.

Meri to dhadkanein pagal hain,

Inhe to khud par bhi aeitebar nahi tha.

Kabhi anjaan the hum.

Ab hamari jaan ho tum.

In raho me mujhe kho jane do.

Ye dil to tumhara hi tha, Ye dhadkanein bhi kab tumse juda thi,

Ye zindagi tumhari hai or tumhari hi rahegi. Hai mujhe kasam.

Ae dil ae sanam,

Ab mujhe bhi tumhara ho jane do.